Kinsa amigokunamanta willakuy
Huk p’unchaymi rey Nabucodonosor ruwachirqan hatun karay qorimanta estatuata, kinsa chunka metro altuta, yaqa kinsa metro anchoyoqta. Hinan llapallan runakunata reyqa nirqan: Kunanmi llappallaykichis kay qorimanta ruwachisqay estuata yupachankichis. Sapa musicata uyarispan yupaychayta qallarinkichis, mana hina yawrashaq hornomanmi wikch’uykusqa kankichis, nipa.
Kinsantinku Sadrac, Mesac, Abednego ima, mana qonqorikurqankuchu nitaq yupaycharqankupaschu. Chayta rikuspan reyqa anchatapuni phiñakuspa nirqan: Imaraykutaq qankunarí qorimanta ruwachisqay estatuatari mana yupaychayta munankichischu?, nispa. Chaymantan nillarqantaq: Kunanmi waqmanta música waqaqtin yupaychankichis. Mana hinaqa yawrashaq horno ukhumanmi wikch’uysakichis, makiymantaqa manan ima diospas qespichiytaqa atisunkichischu, nispa.
Hinan kinsantin Sadrac, Mesac Abednegopiwan nirqanku: Rey manan necesariochu qanpa qayllaykipi amachakuyniykuqa. Sichus yawrashaq hormonan wikch’uywankiku chayqa, cheqaq Diosniykun chay hornomanta hinallataq makikimantapas qespichiyta atinman. Manaña ahinachu kanqa chaypas, yachay rey, manapunin qorimanta estuamanta qonqorikuykunmachu nitaq yupaychaykumanchu, nispa.
Chayta uyarispan reyqa kamachirqan hornota kanchis kutita hinaraq kananankuta, hinaspan kamachirqan kallpasapa soldokunata, allinta thunkuspa horno ukhuman wikch’uykunankupaq. Hinan hornoman wikch’uyoq soldadokuna nina wachirqan.
Hinan reyqa sayarispa qhawarqa horno ukhuta, chaypitaq rikurqan tawa runakuna purishaqta, hiñan nirqan: Manachu kinsalla wikch’uykusqa karqanku?, ñoqaqa rikushani tawatamá!, tawa-kaqqa diosman rikchakuqmi kashan, nispa. Hiñan reyqa wakyarqan, cheqaq Diospa kamachinkuna lloqsimuychis, nispa. Kinsantinku lloqwimurqanku mana ima k’irisqa, manan chukchallankutapas nina ruphasqachu, manan p’achallankupas qoqomasqachu. Chaymi reyqa cheqaq Diosta yupaycharqan.
